Científicos, ateos e católicos

Benqueridos compañeiros, tráiovos unhas das imaxes máis espectaculares que a nai Natura pode ofrecernos, as nebulosas. Non vos aburrirei con detalles técnicos ou científicos, diagramas de Hertzsprung-Russell, ananas brancas, xigantes vermellas, supernovas… simplemente deleitádevos coa nebulosa Helix, que o vulgo deu en chamar O Ollo de Deus. Atópase a uns 650 – 700 anos luz do noso sistema solar, sendo unha das máis próximas.

Pregunta para frikis: ¿Onde vimos esta mesma nebulosa unha grande parte dos detestables proxéneres do Blog (Pato incluído)?



Ou a imaxe en infravermellos:



Podemos atopar centos de imaxes astronómicas tan espectaculares como estas, por exemplo outro ollo, o Ollo de Gato, ou unha nebulosa tipo bolboreta:

Sigamos falando (lol! Falando: relativo a f…) de Deus, pero sen ánimo de crear polémica… xa a crearedes vos. Últimamente vemos como a Igrexa Católica se ven anunciando na televisión, pedíndonos con imaxes conmovedoras, estilo ONG, que marquemos a casiña de contribución á Igrexa na declaración da renda. Pois, como moitos xa teredes visto, pero para abrir un debate construtivo dentro do noso Blog, en Londres vaise levar a cabo unha campaña publicitaria bastante curiosa:

¿Será o ateísmo unha nova tendencia grupal? ¿deben os ateos unirse, asociarse e publicitarse? ¿haberá que crear un libro coas crenzas ateas?

Índonos agora ao lado da Igrexa Católica, non vou comentar as declaracións de Rouco ou a sentencia de Murcia que fai retirar os símbolos relixiosos das aulas, esto xa está á orde do día e falouse e falarase en todos os programas do corazón político. Pero o que non se comentou en ningún sitio foi o seguinte manifesto, proclamado no X Congreso de Católicos y Vida Pública, chamado Con Esperanza. Di no parágrafo central: "No podemos dejar de denunciar que en la España actual no se respeta el sacrosanto derecho a la vida, ni en las inicuas leyes del aborto y de la eutanasia ni en los no menos inicuos proyectos del suicidio asistido y de la manipulación abyecta de las fuentes de la vida humana. En la España actual no se respeta como es debido a la familia y a sus valores ni el único matrimonio verdadero; no se respeta el inalienable derecho que los padres tienen a educar a sus hijos según sus propias convicciones religiosas y morales".

.
Dicir que todos cagamos sentados e todos temos dereito a opinar (eu incluído), pero ¿non vos parecen lamentables todos os adxectivos empregados no susodito manifesto? Xa sei que o Moco subirase polas paredes, e algún outro, pero Señor Obispo, ¿eran precisos os: sacrosanto, inicuas, abyecta, único-verdadero e o inalienable?