He passed away...

"A long time ago

in a galaxy far far away..."

Amigos, o Rancor foi asasinado. Descansa en paz agora no limbo do Blog, perdido nun labirinto de entradas, verbas, imaxes, sons, vídeos. Ocorreu a pasada noite, unha detestable persoa, probablemente un NiNi sen motivacións nin responsabilidades, facendo abuso da forza que en todo se atopa, tiroulle unha pesada verxa de ferro enriba.

Seu amigo e coidador, Malakili, roga unha oración pola súa alma inmortal. A súa amable imaxe sempre permanecerá nas nosas memorias. Un soriso sempre se formará na nosa cara cando recordemos os simpáticos ruidiños que facía mentres masticaba un tenro orquiño*, con armadura e todo. E esa babiña que lle colgaba despois, e como nos salpicaba cando se sacudía tal canciño mollado nun regato. E eses ruxidiños que botaba, que lindos, e como lle cheiraba o alento...

*Gamorreano para o plaxiador Lucas.

Este é o fin, era o último da súa especie, non quedan máis ¿quen se comerá agora aos sobrados jedis? ¿quen ruxirá nos baixos dos palacios da ampa galáctica? Foi o último e o máis grande, o último e o fin... ¿o último? ¿o fin?