A merda dos pinganillos

Creo que non son sospeitoso de maltratar ó Galego. Creo sinceiramente que hai que fomentalo nas aulas, dándolle a mesma ou maior importancia que ao español, xa que este último impregna as vidas dos alumnos e a súa aprendizaxe refórzase continuamente: en internet, no cine, na televisión, na prensa, na música, nos libros... Creo que asociacións como Galicia Bilingüe (en realidade "monolingüe) deberían desaparecer do mapa, que existan se queren, pero ninguén debería telas en conta (ningún partido político, ningún medio, etc). En realidade son malos pais e nais que privan aos seus fillos dunha aprendizaxe máis completa, pois o bilingüismo é positivo á hora de aprender novos idiomas, é necesario en moitos postos de traballo, axuda en campos máis concretos como filoloxías, toponímias, etc.

Pero esta merda de todos a falar na súa lingua no congreso e no senado... que lles den polo cú! Isto n0n é bilingüismo, é monolingüismo, igualiño que no caso de GB, cada un no seu e o resto que se apañe. Tamén é un claro indicador de que os partidos políticos se moven por propaganda; que, inda sendo un gasto simbólico en comparación con outros, segue a ser unha provocación e un insulto ao resto da xente que sofre a crise e escoita todolos días que "hai que apretarse o cinturón", "hai que facer un esforzo", bla, bla, bla...

Teño pois, por unha vez, que posicionarme co pepe, iso si, por lóxica e coherencia, non porque os partidos nacionalistas e o psoe son o mal e hai que levarlles sempre a contraria. Así que, como ben diría EPI, que lles den a todos!